Valnefnd umdæmisstjóra Rótarý á Íslandi hefur að loknu valferli upplýst að Elísabet Sigurveig Ólafsdóttir úr Rótarýklúbbi Mosfellssveitar verði umdæmisstjóri 2026-2027. Elísabet er 68 ára löggildur sáttamiðlari og hefur starfað hjá Ríkissáttasemjara sem skrifstofustjóri og sáttasemjari frá 1983 og ... Valnefnd umdæmisstjóra Rótarý á Íslandi hefur að loknu valferli upplýst að Elísabet Sigurveig Ólafsdóttir úr Rótarýklúbbi Mosfellssveitar verði umdæmisstjóri 2026-2027. Elísabet er 68 ára löggildur sáttamiðlari og hefur starfað hjá Ríkissáttasemjara sem skrifstofustjóri og sáttasemjari frá 1983 og vann einnig um tíma hjá Ríkissáttasemjara í Kaupmannahöfn. Áður hafði hún starfað hjá Kjararannsóknarnefnd og á Búreiknistofu landbúnaðarins. Hún gekk til liðs við Rótarýklúbb Mosfellssveitar árið 2000 og var gjaldkeri 2001-2002 og ritari 2002-2003. Hún sagði skilið við klúbbinn árið 2005 en gekk til liðs við klúbbinn árið 2015 og hefur gegnt þar fjölmörgum trúnaðarstörfum, m.a. var hún forseti klúbbsins 2020-2021. Hún hefur sótt umdæmisþing Rótarý í Vestmannaeyjum 2003, í Mosfellssveit 2017 og á Hallormsstað 2021 en einnig sótti Elísabet heimsþing Rótarý í Texas 2022. Elísabet fæddist á Akureyri en ólst upp á Vopnafirði og fluttist til Reykjavíkur þegar hún var 17 ára gömul. Hún er stoltur Vopnfirðingur sem þreytist ekki á að segja fólki að þar sé veðrið allra best á sumrin. Elísabet á tvö börn og þrjú barnabörn sem njóta þess að ferðast saman bæði utanlands og innan. Seinni eiginmaður Elísabetar, Hreiðar Örn Gestsson, lést árið 2017 eftir erfið veikindi. „Fyrir utan ferðalög með fjölskyldu og vinum þá eru helstu áhugamálið útivist og ekki síst veiði. Ég er félagslynd og hef ánægju af þátttöku í félagsstarfi og hef tekið virkan þátt í alls konar félagsstarfi í gegnum árin. Svo er ég bókaormur og les og hlusta mikið á bækur. En umfram allt vanda ég mig við að njóta hvers dags og þakka fyrir það sem ég hef,“ segir Elísabet. „Það leggst mjög vel í mig að taka við sem umdæmisstjóri, og ég er þakklát fyrir það traust sem mér er sýnt með tilnefningunni. Ég hlakka til að setjast í umdæmisráðið og læra af reynsluboltunum sem þar sitja og fá tækifæri til fræðast um starf Rótarýhreyfingarinnar bæði hérlendis og í öðrum löndum,“ segir Elísabet S. Ólafsdóttir, tilnefndur umdæmisstjóri 2026-2027. Val á umdæmisstjóra Í reglum Rótarý (Manual of Procedure) eru fyrirmæli um val á umdæmisstjóraefni og hefur Rótarýumdæmið á Íslandi fyrir löngu ákveðið að nota þá aðferð að hafa valnefnd sem samanstendur af fimm fyrrverandi umdæmisstjórum. Kallað er eftir tilnefningum frá klúbbunum og getur hver klúbbur tilnefnt einn félaga úr sínum röðum sem hefur fengið samþykki á almennum klúbbfundi og skal valið staðfest af ritara klúbbsins. Valnefndin skal velja hæfasta rótarýfélagann hverju sinni og takmarkast valið ekki við þau nöfn sem tilnefnd hafa verið af klúbbunum. Innskráðir rótarýfélagar geta séð reglurnar um val á umdæmisstjóraefni hér.
Stephanie Urchick verðandi alþjóðaforseti Rotary International hefur kynnt þema alþjóðaforset fyrir2024-25. Er það The Magic of Rotary, sem þýða mætti Töfrar Rótarý. Hvatti hún félagsmenn til að meta og magna kraft samtakanna til að bjarga mannslífum. „Ekki misskilja mig – við ætlum ekki að bind ... Stephanie Urchick verðandi alþjóðaforseti Rotary International hefur kynnt þema alþjóðaforset fyrir2024-25. Er það The Magic of Rotary, sem þýða mætti Töfrar Rótarý. Hvatti hún félagsmenn til að meta og magna kraft samtakanna til að bjarga mannslífum. „Ekki misskilja mig – við ætlum ekki að binda enda á lömunarveiki eða koma á friði í heiminum með því að veifa sprota og segja skemmtileg orð,“ sagði Urchick við verðandi umdæmisstjóra á alþjóðaþingi Rótarý 8. janúar sl. „Það er í þínum höndum, þú býrð til töfrana með hverju verkefni sem er lokið, hverjum dollara sem gefinn er og með hverjum nýjum félaga.“ Sjá nánar hér og ræðu Sephanie Urchick hér.
Á þessari síðu finnur þú algengar spurningar og svör um Polaris. Það er skipt í efn...
Á haustmisseri 2023 stóð Rótarýklúbburinn Rvík-Breiðholt fyrir fræðslu meðal ungmenn...
17. apr. 2024
Spjallhornið okkar hefst klukkan 16:45 að venju. Fundarefni er í boði Verkefnanefnda...
Rótarý er alþjóðleg hreyfing fólks úr viðskipta- og atvinnulífi og opinberri þjónustu sem stendur fyrir mannúðar- og menningarstarfi, stuðlar að sem bestu siðgæði í öllum starfsgreinum og hvetur til góðvildar og friðar í heiminum.
Í dag eru klúbbarnir á Íslandi 32 og rótarýfélagar af báðum kynjum og á fjölbreyttum aldri.
Rótarýfélagar eru fulltrúar sinnar starfsgreinar, karla og konur sem hafa það sameiginlega markmið að láta gott af sér leiða undir kjörorðinu „Þjónusta framar eigin hag“.
Upphaf og markmið Rótarýhreyfingin er alþjóðafélagsskapur leiðandi manna sem sameinast um þá ósk að þjóna öðrum án tillits til trúarbragða, stjórnmála, kynþátta eða þjóðernis. Þá er viðurkennt að vilji til þjónustu sé frumskilyrði allra starfa sem séu vel af hendi leyst og hæfileikinn að setja sig í spor annarra manna, skilja sjónarmið þeirra og veita þeim aðstoð og ánægju. Rótarý leitast við að ná þessu markmiði með því að stuðla að skilningi og friði meðal allra manna og þjóða, efla frelsi og réttlæti í viðhorfum til mannlegs lífs en taka um leið fullt tillit til hins sérstaka í fjölbreytninni og fjölbreytninni í því sérstaka.
Stofnandi fyrsta rótarýklúbbsins var nær fertugur lögfræðingur í Chicagóborg í Bandaríkjunum, Paul Harris að nafni.
Fyrsti rótarýklúbburinn hér á landi var stofnaður í Reykjavík 13. september árið 1934. Það voru rótarýfélagar í Kaupmannahöfn sem beittu sér fyrir stofnun Rótarýklúbbs Reykjavíkur.
Sjá einnig almenna síðu Rótarý á Íslandi á www.rotary.is
Smellið á deplana á myndunum til að opna vefsíðu viðkomandi klúbbs. Haldið bendlinum yfir depli til að sjá hvaða klúbbur þar er.
Óstaðbundnir klúbbar eru:
